Y Cyfarfod Llawn |
Dyddiad y
cyfarfod: |
|
|
Amser y
cyfarfod: |
||
|
||
|
||
|
Agenda (166)v2 |
1 Cwestiynau i’r Gweinidog Cyllid (45 munud)
|
2 Cwestiynau i’r Gweinidog Llywodraeth Leol a Busnes y Llywodraeth (45 munud)
|
3 Cwestiynau i Gomisiwn y Cynulliad (15 munud)
|
4 Dadl y Ceidwadwyr Cymreig (60 munud) NDM5370 William Graham (Dwyrain De Cymru)
Cynnig bod Cynulliad Cenedlaethol Cymru
1. Yn nodi ei bod yn adeg o newid o ran cyflenwi gwasanaethau cyhoeddus, sy'n ei gwneud yn ofynnol diwygio systemau.
2. Yn cydnabod:
a) y potensial i gydgynhyrchu wella cyflenwad gwasanaethau cyhoeddus yn sylweddol.
b) ymrwymiad presennol Llywodraeth Cymru i sicrhau bod gan asedau sy'n eiddo cyhoeddus y potensial i aros mewn perchnogaeth gymunedol yng Nghymru.
3. Yn gresynu:
a) nad oes digon yn cael ei wneud i sicrhau bod cymunedau'n ymwybodol o gynlluniau megis Trosglwyddo Asedau Cymunedol neu'r Rhaglen Cyfleusterau a Gweithgareddau Cymunedol.
b) bod Cymru yn methu â rhannu llwyddiant yr Agenda Anghenion Cymunedol mewn rhannau eraill o'r DU.
4. Yn galw ar Lywodraeth Cymru i:
a) hyrwyddo cydgynhyrchu fel ffordd hyfyw o gyflenwi gwasanaethau cyhoeddus yn dilyn cyhoeddi canfyddiadau'r Comisiwn ar Lywodraethu a Darparu Gwasanaethau Cyhoeddus.
b) archwilio dichonoldeb mabwysiadu agweddau pellach ar y Ddeddf Lleoliaeth yng Nghymru.
Mae linc i'r Comisiwn ar Lywodraethu a Darparu Gwasanaethau Cyhoeddus ar gael yn http://new.wales.gov.uk/topics/improvingservices/public-service-governance-and-delivery/?skip=1&lang=cy
Ceir linc i'r Ddeddf Lleoliaeth yn http://new.wales.gov.uk/topics/improvingservices/public-service-governance-and-delivery/?skip=1&lang=cy
Cyflwynwyd y gwelliannau a ganlyn:
Gwelliant 1 - Elin Jones (Ceredigion)
Dileu pwynt 3 a rhoi yn ei le:
3. Yn galw ar Lywodraeth Cymru i:
a) sicrhau mwy o ymwybyddiaeth o gynlluniau megis Trosglwyddo Asedau Cymunedol a’r Rhaglen Cyfleusterau a Gweithgareddau Cymunedol.
b) datblygu polisi asedau cymunedol cynhwysfawr sydd wedi’i deilwra ar gyfer anghenion Cymru.
Gwelliant 2 - Elin Jones (Ceredigion)
Dileu pwynt 4b) a rhoi yn ei le:
sicrhau bod yr agendâu lleoliaeth a throsglwyddo asedau cymunedol yn ddiamau yn grymuso cymunedau ac nad ydynt yn cael eu defnyddio fel ffordd o breifateiddio gwasanaethau cyhoeddus.
|
5 Dadl y Ceidwadwyr Cymreig (60 munud) NDM5371 William Graham (Dwyrain De Cymru)
Cynnig bod Cynulliad Cenedlaethol Cymru
1. Yn mynegi pryder ynghylch dyfodol gwasanaethau mamolaeth o dan arweiniad meddygon ymgynghorol yn Ysbyty Llwynhelyg.
2. Yn nodi'r effaith y byddai absenoldeb gwasanaethau mamolaeth o dan arweiniad meddygon ymgynghorol yn ei chael ar wasanaethau craidd eraill yn yr ysbyty, megis gofal pediatrig a gofal brys.
3. Yn galw ar Lywodraeth Cymru i:
(a) cymryd camau gweithredu brys i sicrhau dyfodol gwasanaethau craidd yn Llwynhelyg; a
(b) sicrhau bod Bwrdd Iechyd Hywel Dda yn cyfathrebu ei gynlluniau ar gyfer cyfeiriad strategol y gwasanaethau yn Ysbyty Llwynhelyg mewn modd effeithiol a diamwys.
|
6 Dadl Plaid Cymru (60 munud) NDM5372 Elin Jones (Ceredigion)
Cynnig bod Cynulliad Cenedlaethol Cymru
1. Yn nodi na fydd perfformiad Cymru yn erbyn PISA a mesuriadau perfformiad addysgol cenedlaethol a rhyngwladol eraill yn gwella digon i gyrraedd targedau Llywodraeth Cymru oni bai bod cyfraddau cyrhaeddiad disgyblion o gefndir difreintiedig yn gwella'n sylweddol.
2. Yn galw ar Lywodraeth Cymru i fuddsoddi mewn rhaglen hyfforddi gynhwysfawr i athrawon, penaethiaid a staff cymorth newydd a phresennol ar ymyriad cynnar i wella llythrennedd, rhifedd, presenoldeb ac ymddygiad er mwyn codi cyfraddau cyrhaeddiad disgyblion difreintiedig.
3. Yn croesawu cytundeb cyllideb Plaid Cymru gyda Democratiaid Rhyddfrydol Cymru a Llywodraeth Cymru i fwy na dyblu'r cyllid a roddir fesul plentyn drwy'r Grant Amddifadedd Disgyblion.
4. Yn galw ar Lywodraeth Cymru i:
a) cryfhau'r canllawiau ar y defnydd o'r Grant Amddifadedd Disgyblion i sicrhau ei fod yn cael ei ddefnyddio'n effeithiol ac yn effeithlon i godi cyrhaeddiad disgyblion difreintiedig yn seiliedig ar dystiolaeth o'r hyn sy'n gweithio; a
b) cryfhau'r broses o fonitro’r defnydd o’r Grant Amddifadedd Disgyblion i sicrhau ei fod yn cael ei ddefnyddio at y diben a fwriadwyd.
Cyflwynwyd y gwelliannau a ganlyn:
Gwelliant 1 - Aled Roberts (Gogledd Cymru)
Cynnwys pwynt 3 newydd ac ailrifo yn unol â hynny:
Yn nodi bod cyflwyno ‘Premiwm Disgybl’ yn un o brif ymrwymiadau maniffesto Democratiaid Rhyddfrydol Cymru, ac felly’n croesawu’r Grant Amddifadedd Disgyblion a gyflwynwyd yn dilyn cytundeb cyllideb 2012–13 rhwng Democratiaid Rhyddfrydol Cymru a Llywodraeth Cymru, a sicrhaodd £32.4 miliwn i helpu i dorri'r cysylltiad rhwng tlodi a thangyflawni addysgol.
Gwelliant 2 - William Graham (Dwyrain De Cymru)
Dileu pwynt 3 a rhoi yn ei le:
Yn nodi’r cyllid ychwanegol fesul plentyn yn y Grant Amddifadedd Disgyblion a neilltuwyd yng Nghyllideb Ddrafft 2014/15.
Gwelliant 3 - Aled Roberts (Gogledd Cymru)
Cynnwys pwynt 4 newydd ac ailrifo yn unol â hynny:
Yn nodi’r cyhoeddiad ‘Dysgu gwersi o’r Grant Amddifadedd Disgyblion’ gan Ddemocratiaid Rhyddfrydol Cymru, a’i argymhellion.
Mae linc i’r cyhoeddiad ‘Dysgu gwersi o’r Grant Amddifadedd Disgyblion’ ar gael yn: http://welshlibdems.org.uk/cy/page/education
Gwelliant 4 - Aled Roberts (Gogledd Cymru)
Cynnwys pwynt 4 newydd ac ailrifo yn unol â hynny:
Yn nodi bod y Cynulliad hwn, ar 30 Mai 2012, wedi pleidleisio’n unfrydol o blaid gwelliant gan Ddemocratiaid Rhyddfrydol Cymru yn galw ar Lywodraeth Cymru i “sicrhau bod gwario’r Grant Amddifadedd Disgyblion yn cael ei fonitro'n effeithiol er mwyn iddo gyflawni gwelliannau mewn cyrhaeddiad”.
Gwelliant 5 - Aled Roberts (Gogledd Cymru)
Cynnwys is-bwynt newydd ar ddiwedd pwynt 4:
cyflwyno rhaglen monitro disgyblion unigol i fesur cynnydd disgyblion, gan alluogi ysgolion i hoelio’u hymdrechion ar y disgyblion hynny nad ydynt yn cyflawni eu potensial.
Gwelliant 6 - William Graham (Dwyrain De Cymru)
Ychwanegu pwynt newydd ar ddiwedd y cynnig:
Yn galw ar Lywodraeth Cymru i adolygu a gwella’r dangosyddion ar gyfer mesur anfantais ymhlith disgyblion ysgol yng Nghymru. |
Cyfnod Pleidleisio |
7 Dadl Fer (0 munud) Ni chyflwynwyd testun
|
8 Dadl fer - aildrefnwyd o 25 Medi (30 munud) NDM5305 Julie James (Gorllewin Abertawe): Manteision Canmlwyddiant Dylan Thomas i Gymru
|
Cynhelir Cyfarfod Llawn nesaf y Cynulliad am 13:30, Dydd Mawrth, 3 Rhagfyr 2013